(၁)ပုရေဘတ္တဗုဒ္ဓကိစ္စ (မနက် ၆ နာရီမှ မွန်းလွဲ (၁၂)နာရီအထိ) (ဆွမ်းမဘုဉ်းပေးမီ မြတ်စွာဘုရားဧ။်လုပ်ငန်းစဉ်များ) မြတ်စွာဘုရားသည် နံနက်(၆)နာရီခန့်အိပ်ယထတော်မူ၍ အလုပ်အကျွေး ရဟန်းအားချီးမြှောက်ရန်နှင့် ရူပကာယတော်ချမ်းသာ စေရန်အတွက်မျက်နှာသစ်ခြင်း ကိုယ် က်သုတ်သင်မှုပြုခြင်းစသည် ကိုပြုတော်မူကာ မနက်(၇)နာရီဝန်းကျင် ဆွမ်းခံချိန်ရောက်သည်အထိ ဆိတ်ငြိမ်ရာဂန္ဓကုဋီတော်ထဲမှာ အရဟတ္တဖလသမာပတ်ဝင်စား တော်မူကာ ၊ ဆွမ်းခံချိန်(၇)နာရီခန့်ရောက်လျှင် သမာပတ်မှထတော် မူကာ သင်းပိုင်ကိုသေသပ်စွာပြင်ဝတ်တော်မူကာ ခါးပန်းကြိုးကိုစီး ဧက သီသင်္ကန်းကို လက်ကန်တော့ထိုးရုံတော်မူကာ သပိတ်တော်ကိုယူ၍ ကျွတ်ထိုက်သောသတ္တ၀ါသည် အဝေးမှာရှိပါက တစ်ပါးတည်း၎င်း၊ ကျွတ်ထိုက်သောသတ္တ၀ါသည် မိမိနေရာမြို့အတွင်း၌ရှိပါက ဂန္ဓကုဋီ တိုက်ထဲမှ တိုက်ရိုက်ထွက်ကြွလာတော်မူကာရဟန်းများစွာနှင့်အ တူ၎င်း ဆွမ်းခံကြွတော်မူသည်။ အချိန်တန်၍ ဘုရားထွက်မကြွလာပါက. ရဟန်းများသည် ဒီနေ့ ဘုရားရှင်တစ်ပါးတည်းဆွမ်းခံကြွမည်ဟု မှတ်သားသိရှိရဧ။်၊ ထိုအခါ ရဟန်းများသည် မိမိတို့အစီစဉ်ဖြင့် ဆွမ်းခံကြွကြသည် ၊ ဆွမ်းခံချိန်တန် လို့ ဘုရားရှင်ကြွမလာသေးရင် သံဃာများနှင့်အတူ ဆွမ်းခံကြွ,မကြွ သွားမေးလျှောက်စရာမလိုပေ ၊ ချွတ်စရာသတ္တ၀ါရှိသဖြင့် ဘုရားတစ်ပါး တည်းကြွမည်ကို အလိုလိုသိနေပြီးဖြစ်ကြသည်။ ဘုရားရှင်ဆွမ်းခံဝင်ခါနီးသောအခါ လေနုအေးလေးများက ဘုရားရှင်ဧ။်ရှေ့တော်မှကြိုတင်၍ မြေအပြင်ကိုတိုက်ခတ်ပြီး အမှိုက်များ ကိုရှင်းပေးလေဧ။် ၊ တိမ်ယံကြားမှ မိုးဖွဲလေးများကျကာ လမ်းမှဖုန်များ ကို သိပ်စေဧ။် ၊ ဘုရားရှင်ဆွမ်းခံကြွရာလမ်းတစ်လျှောက်လုံးသို့လည်း တိမ်များကဘုရားရှင်နေမပူစေရန် ထီးကဲ့သို့မိုးပေးထားဧ။် ၊ အရပ်လေး မျက်နှာမှလေများကလည်း ထိုထိုအရပ်မှ ပန်းပွင့်များကိုဆောင်ယူလာ ၍ ဘုရားရှင်ကြွမည့်လမ်းတစ်လျှောက် မွေ့ယာသဖွယ်ခင်းပေးထားဧ။် ၊ ပင်ကိုယ်ကမြင့်မောက်နေသောမြေများသည် အလိုလိုနိမ့်ကျကာ တညီတညွတ်တည်း၎င်း ၊ နိမ့်နေသောမြေများကလည်း အလိုလိုမြင့် တက်လာကာ ညီညာစေဧ။် ။ ဆူးငြောင့်ခလုပ်နှင့် ကျောက်စရစ်ခဲများသည်လည်း အလိုလိုဖယ် ရှားကြဧ။် ၊ ဘုရားရှင်ဧ။်ခြေဖ၀ါးတော် မြေသို့ချလိုက်သည်နှင့် မြေအပြင် သည် ညီညွတ်ပြီးဖြစ်သွားသည်၊ (သို့မဟုတ်) အတွေ့ကောင်းသော လှည်းဘီးလောက်ရှိသော ပဒုမ္မာကြာပန်းများကသော်လည်း ဘုရားရှင် ဧ။်ခြေဖ၀ါးတော်အောက်မှ ခံပေးကြဧ။် ။ မြို့ ရွာအ၀င် တံခါးခုံပေါ် ညာခြေဖ၀ါးတော်ချမိသည်နှင့် ရောင်ခြည် တော်ခြောက်သွယ်တို့သည် ကွန့်မြူးထွက်ပေါ်လာဧ။် ၊ လေးထောင့် ပြဿာဒ် အထွဋ်တပ်သောအိမ်စသည်တို့သည် ရွှေရည်လောင်းထား သကဲ့သို့၎င်း ၊ ဆန်းကြယ်သောအ၀တ်တို့နှင့်ရစ်ပတ်ထားသကဲ့သို့၎င်း အရောင်တလက်လက်ထွက်ကာ ပြေးလွှားနေဧ။် ။ ကျွဲနွားဆင်မြင်း ကျေးငှက်စသောသတ္တ၀ါများကလည်း မိမိနေရာ နေလျှက်ပင် သာယာသောအသံများဖြင့် တွန်သံပေးကြဧ။် ၊ စောင်းစ သောတူရိယာပစ္စည်းများကလဲ မည်သူမှမတီးခတ်ဘဲ သာယာသောအ သံများမြည်ကြဧ။် ။ လူတို့ဝတ်ဆင်ထားသော လက်ဝတ်တန်ဆာများသည်လည်း အလိုလိုပင် သာယာသောအသံမြည်ကြလေဧ။် ၊ ထိုသင်္ကေတဖြင့်ပင် လူတို့သည် ဘုရားရှင် မိမိတို့ဧ။် မြို့ ရွာအတွင်းသို့ဆွမ်းခံကြွလာသည် ဟုသိကြကာ အ၀တ်စားများသန့်ပြန့်စွာဝတ်ဆင်၍ ပန်းနံ့သာစသည် လက်မှကိုင်သွားကြပြီး မြို့လယ် ရွာလယ်လမ်းမသို့ စုရုံးကြလေဧ။် ။ ဘုရားရှင်အား ပန်းနံ့သာစသည်နှင့်ပူဇော်ကာ တပည့်တော်များကို ရဟန်းဆယ်ပါးပေးပါ ငါးပါးဤပးပါ စသဖြင့် မိမိတို့တတ်နိုင်သလောက် ရဟန်းအရေတွက်ကို ဘုရားရှင်ထံတောင်းကြပြီး ဘုရားရှင်ဧ။်သပိတ် တော်ကိုယူဆောင်ကြကာ ခင်းထားသောနေရာ၌ထိုင်တော်မူစေပြီး ဆွမ်းစသောဝေယျာဝစ္စများဖြင့် ပြုစုလုပ်ကျွေးကြဧ။် ။ ဘုရားရှင်သည် ဆွမ်းခံရာ၌ ဆွမ်းကိုဖြစ်စေ ဆွမ်းဟင်းကိုဖြစ်စေ မိမိနဲ့မျှတရုံသာခံယူဧ။်၊ ဆွမ်းကိုပိုခံယူခြင်း ဟင်းကိုပိုခံယူခြင်းမျိုးတို့ အလျဉ်းမရှိပေ၊ ဆွမ်းလောင်းစဉ် မိမိနဲ့မျှတသည်နှင့် ဆက်မလောင်းရန် လက်ကာပြသလို ဆွမ်းဟင်းလောင်းသောအခါ၌လည်း မိမိခံယူထား သောဆွမ်းနှင့် မျှတပြီဆိုက လက်ကာပြ၍ ဆက်မလောင်းရန်နှင့် ဤ လောက်နှင့်ပြည့်စုံပြီဟု သိစေတော်မူဧ။် ဒကာ ဒကာမများကလည်း ထိုအမှတ်သင်္ကေတဖြင့် နားလည်သိရှိကြသည်။ ဘုရားရှင်သည် ဆွမ်းဘုဉ်းပေးတော်မူပြီးသောအခါ ကျွတ်ထိုက် ကြသောသတ္တ၀ါတို့ဧ။်အလိုဆန္ဒကို သဗ္ဗညုတဥာဏ်တော်ဖြင့်ကြည့် တော်မူကာ အခြို့ကို သရဏဂုမ်သုံးပါး၌၎င်း ၊ အခြို့ကို ငါးပါးသီလ၌၎င်း အခြို့ကို (သောတာပတ္တိဖိုလ် ၊သကဒါဂါမိဖိုလ်၊အနာဂါမိဖိုလ်၊)အရဟတ္တ ဖိုလ်၌၎င်း တည်အောင်တရားဟောတော်မူဧ။် ၊ ဤသို့လူအများတို့အား ချီးမြှောက်တော်မူပြီးမှ ကျောင်းတော်သို့ပြန်ကြွတော်မူသည်။ ဥပဌာကရဟန်းသည် ဘုရားကျောင်းကိုပြန်မရောက်မီ အရင် သွား၍ နေရာထိုင်ခင်း ခင်းပေးထားခြင်း ခြေဆေးရေတည်ထားပေး ခြင်းစသည်ပြုရသည်။ ကျောင်းတော်သို့ပြန်ရောက်လျှင် နံ့သာတန်ဆောင်းအတွင်းမှ အသင့်ခင်းထားသောမြတ်စွာဘုရားဧ။်နေရာတော်၌သီတင်းသုံးနေ တော်မူရင်း ခြေဆေးခြင်းကိုပြုလျှက်ပင် အခြားရဟန်းများဧ။် ဆွမ်းကိစ္စ ပြီးချိန်ကို စောင့်ဆိုင်း၍နေတော်မူဧ။်။ ရဟန်းအားလုံး ဆွမ်းကိစ္စပြီးသောအခါ ဘုရားရှင်ထံသို့လာကြ ရဧ။် ဘုရားရှင်သည် ထိုရဟန်းတို့အား ဒုလ္လဘငါးပါးကိုနေ့စဉ်ဟော တော်မူပါသည်။ ( ရဟန်းများအားလုံး ဆွမ်းကိစ္စပြီးသောအခါ အလုပ်အကျွေးရဟန်း သည် ရဟန်းများအားလုံးဆွမ်းကိစ္စပြီးစီးကြောင်းဘုရားရှင်အားလျှောက် ကြားရဧ။် ၊ ဘုရားရှင်သည်ထိုအခါမှသာ မိမိသီတင်းသုံးရာ ဂန္ဓကုဋီသို့ ကြွဝင်တော်မူပါသည်။) ( ဤကား ပုရေဘတ္တကိစ္စဖြစ်သည် ၊အကျယ်ကို မဇ္ဈိမပဏ္ဏာသပါဠိ တော် ဗြဟ္မာယုသုတ်၌ ကြည့်ရှုပါ ) အကျဉ်းချုပ်မှတ်သားရန် (၁)အိပ်ယာမှထတော်မူ၍ ကိုယ်လက်သုတ်သင်တော်မူသည် ။ (၂)ဆွမ်းခံကြွတော်မူသည် ။ (၃)ဆွမ်းဒါယကာ ဆွမ်းဒါယ်ိကာမများနှင့် တရားနာပရိသတ်တို့အား ဆွမ်းအနုမောဒနာတရားကို ဟောတော်မူသည် ။ .......................................... . ပစ္ဆာဘတ္တဗုဒ္ဓကိစ္စ (နေ့(၁၂)နာရီမှ ညနေ(၆)နာရီထိ) (ဆွမ်းဘုဉ်းပေးပြီးနောက်၌ ဗုဒ္ဓဧ။်လုပ်ငန်းစဉ်များ) ပုရေဘတ္တကိစ္စပြီးသောအခါ အလုပ်အကျွေးရဟန်းတော်ခင်း ထားအပ်သော ဘုရားရှင်ဧ။် ဂန္ဓကုဋီကျောင်းအနီး၌ရှိသော ညီမူရာခန်းမ နေရာတွင် ခြေတော်ဆေးကြောပြီး ထိုခြေဆေးအင်းပျဉ်ပေါ်၌ ရပ်လျှက် ပင် ရဟန်းတော်များအား ဒုလ္လဘငါးပါးတရားတော်ကိုဟောတော်မူဧ။်။ အပ္ပမာဒေန ဘိက္ခဝေ သမ္ပာဒေထ ၊ ဗုဒ္ဓုပ္ပါဒေါ ဒုလ္လဘော လောကသ္မိံ မနုဿတ္တဘာဝေါ ဒုလ္လဘော ၊ ဒုလ္လဘာ သဒ္ဓါသမ္ပတ္တိ ၊ ပဗ္ဗဇိတဘာဝေါ ဒုလ္လဘော ၊ သဒ္ဓမ္မဿဝနံ ဒုလ္လဘံ ၊ ဧ၀ံ ဒိဝသေ ဒိဝသေ သြ၀ဒတိ ။ ရဟန်းတို့ မမေ့မလျှော့ မပေါ့မဆသောအပ္ပမာဒသတိတရားဖြင့် သီလ သမာဓိ ပညာ ဟူသောသိက္ခာသုံးပါးကို ပြည့်စုံအောင်ကြိုးစား အားထုတ်ကြကုန်လော့၊ လောကသုံးပါး၌ (၁)ဘုရားရှင်ပွင့်တော်မူခြင်းကို ရခဲဧ။် ။ (၂)လူအဖြစ်ကိုလည်း ရဖို့ခက်ခဲဧ။် ။ (၃)လူအဖြစ်ကိုရခဲ့သော်လဲ သဒ္ဓါတရားနှင့်ပြည့်စုံဖို့ ခက်ခဲဧ။် ။ (၄)ရှင် ရဟန်းအဖြစ်ကိုရခြင်းငှါလည်း ခက်ခဲဧ။် ။ (၅)သူတော်ကောင်းတရားကို နာကြားခွင့်ရဖို့ရာလည်း ခက်ခဲဧ။် ။ ထိုအစည်းဝေး၌ အခြို့သောရဟန်းများသည် ဘုရားရှင်အား ကမ္မ ဌာန်း မေးမြန်းလျှောက်ထားကြဧ။် ၊ ဘုရားရှင်သည် ထိုရဟန်းတို့ဧ။် စရိုက်နှင့်သင့်တော်မည့်ကမ္မဌာန်းများကို ပေးတော်မူသည်ရှိသော် ရဟန်းများသည် ဘုရားရှင်ကိုအရိုအသေပေးကာ မိမိတို့နေရာသို့၎င်း အရိပ်ကောင်း၍ ဆိပ်ငြိမ်သော သစ်ပင် တောတောင် လိုဏ်ဂူစသည့် အရပ်များသို့၎င်း စတုမဟာရာဇ်စသော နတ်ပြည်ခြောက်ထပ်သို့၎င်း အသီးသီးကြွသွားကြလေဧ။် ။ ထို့နောက် ဘုရားရှင်သည် ဂန္ဓကုဋီတော်သို့ဝင်တော်မူကာ ခန္ဓာ ကိုယ်ဧ။်ပင်ပန်းနွမ်းနယ်မှုကိုပယ်ဖျောက်ရန်လိုအပ်ပါက သတိသမ္ပဇဉ် မလွတ်စေဘဲ လက်ျာနံစောင်းဖြင့် ခေတ္တလျောင်း၍နေတော်မူဧ။် ။ လိုအပ်သောပင်ပန်းနွမ်းနယ်မှုကိုပယ်ဖျောက်ပြီးနောက် ထတော် မူ၍ နေ့ဧ။်ဒုတိယပိုင်း၌ အရဟတ္တဖလသမာပတ်ကို ၀င်စားတော်မူလျှက် ကျွတ်ထိုက်သောသတ္တ၀ါတို့ကို အာသယာနုသယဥာဏ် ဣန္ဒြိယပရော ပရိယတ္တိဥာဏ်ဟူသော ဗုဒ္ဓစက္ခုအစုံဖြင့် ကြည့်ရှုတော်မူသည် ။ နေ့ဧ။်တတိယပိုင်းတွင် ဂေါစရဂါမ်အနီး၌နေကြသူများသည် ပန်း နံ့သာစသည်လက်မှစွဲကိုင်ကြလျှက် ကျောင်းတော်သို့ တရားနာရန်အ တွက်စုဝေးရောက်ရှိလာကြဧ။် ၊ ဘုရားရှင်သည် သမာပတ်မှထတော်မူ ကာ တရားနာပရိသတ်ထံသို့ သင့်တော်သော တံခိုးပြာဋိဟာဖြင့်ကြွလာ တော်မူကာ တန်ဆောင်းအတွင်း ခင်းထားသောနေရာတွင်ထိုင်တော်မူ ၍ အချိန်ကာလနှင့်သင့်တော်သောတရားကိုဟောတော်မူကာ ပရိ သတ်ကို ပြန်လွှတ်လိုက်ဧ။် ၊ ပရိသတ်များလည်း ဘုရားရှင်အားရှိခိုး အရိုအသေပြုကာ(ညနေ ၄း၃၀)နာရီခန့်တွင်ပြန်ကြလေဧ။် ။ လူများပြန်သောအခါ တရားပွဲမှာ ရဟန္တာဖြစ်သူလူများကို ရဟန်းပြုပေးခြင်းစသည်ပြုရသည်။ အကျဉ်းချုပ်မှတ်သားရန် (၁)ရဟန်းတော်များကို ဒုလ္လဘတရားဟော၍ ကမ္မဌာန်းပေးတော်မူဧ။် ။ (၂)ခေတ္တလျောင်းစက်ရင်း ပင်ပန်းနွမ်းနယ်မှုကိုဖြေတော်မူဧ။် ။ (၃)သတ္တလောကကို ကြည့်ရှုတော်မူသည် ။ (၄)ရောက်လာသောပရိသတ်ကို တရားဟောတော်မူဧ။် ။ ................................. (၃)ပုရိမယာမ ဗုဒ္ဓကိစ္စ (ညနေ ၆ နာရီမှ ည ၁၀ နာရီထိ) ( ညဥ့်ဦးယာမ်အတွက် ဗုဒ္ဓဧ။်လုငန်းစဉ်များ) ဒုတိယဗုဒ္ဓကိစ္စကိုပြုတော်မူပြီးနောက် ရေသပ္ပာယ်ရန်လိုအပ်ပါက တန်ဆောင်အတွင်း၌ သီတင်းသုံးတော်မူရာနေရာမှထတော်မူ၍ အလုပ် အကျွေးရဟန်း ချိုးတော်ရေစီမံထားရာသို့ကြွတော်မူကာ အလုပ်အကျွေး ရဟန်းထံမှ ရေသနုပ်ကိုယူ၍ ရေချိုးအိမ်သို့ဝင်တော်မူသည်။ ဘုရားရှင်ရေသပ္ပာယ်နေတော်မူစဉ်ဝယ် အလုပ်အကျွေးရဟန်း သည် ဘုရားရှင်ဧ။်အခင်းကိုယူ၍ ဂန္ဓကုဋီပရ၀ုဏ်အတွင်း၌ ခင်းထား လေဧ။် ။ ဘုရားရှင်သည် ရေသပ္ပာယ်တော်မူပြီးသောအခါ နှစ်ထပ်သင်္ကန်း ကိုဝတ်တော်မူကာ ခါးပန်းကြိုးကိုစည်းပြီးလျှင် ကိုယ်ရုံသင်္ကန်းတော် ကို ၀တ်ရုံစမ္ပာယ်တော်မူလျှက် တစ်ပါးတည်း ဂန္ဓကုဋီပရ၀ုဏ်အတွင်း ခင်းထားသောနေရာ၌ အပန်းဖြေရင်း ထိုင်နေတော်မူဧ။် ။ ည ၆း၃၀ ၀န်းကျင်အချိန်ရှိ သောအခါ ရဟန်းတော်များသည် မိမိတို့နေရာအသီးသီးစသည်မှ ဘုရားရှင်ထံသို့ လာရောက်ဆည်း ကပ်ကြပြီး အခြို့ရဟန်းကပြဿနာမေးလျှောက်ခြင်း ကမ္မဌာန်း မေးခြင်း တရားဟောရန်တောင်းပန်ခြင်းစသည်ပြုသဖြင့် ထိုရဟန်း တို့ဧ။်အလိုဆန္ဒကို ဖြည့်ဆည်းပေး တော်မူလျှက် ညဥ့်ဦးယာမ်ကို ကုန်လွန်စေသည် ။ အကျဉ်းချုပ်မှတ်ရန် (၁)နေ့ဆွမ်းဘုဉ်းပေးပြီး လိုအပ်ပါက ရေသပ္ပာယ်တော်မူသည် ။ (၂)ဂန္ဓကုဋီတော်အတွင်းနားနေတော်မူလျှက် ပြဿနာဖြေပေးခြင်း ကမ္မဌာန်းပေးခြင်း တရားဟောခြင်းများပြုတော်မူသည် ။ ........................................... (၄)မဇ္ဈိမယာမ ဗုဒ္ဓကိစ္စ ( သန်းခေါင်ယာမ်အတွက် ဗုဒ္ဓဧ။်လုပ်ငန်းစဉ်များ) (ည ၁၀ နာရီမှ နံနက် ၂ နာရီထိ ၄ နာရီခန့်) ညဥ့်ဦးယာမ်ဗုဒ္ဓကိစ္စပြီး၍ ရဟန်းတော်များပြန်ကြွသွားသောအခါ ညပိုင်း ၁၀ နာရီကျော်လောက်မှစ၍ စကြ၀ဠာတိုက်တစ်သောင်းမှ နတ်ဗြဟ္မာများသည် ဘုရားရှင်ထံချဉ်းကပ်ကြ၍ မိမိတို့ တွေးတော ကြံစည်လာသော အမေးပုစ္ဆာများကို အယုတ်သဖြင့် အက္ခရာလေးလုံး မျှရှိသော ပြဿနာကိုလည်း မေးမြန်းလျှောက်ထားကြသဖြင့် ထိုနတ် ဗြဟ္မာတို့ဧ။် အမေးပုစ္ဆာအားလုံးကို ဖြေကြားရှင်းလင်းတော်မူရင်း မဇ္ဈိမယာမ်ခေါ် သန်းခေါင်ယာမ်ကို ကုန်လွန်စေတော်မူဧ။် ။ အကျဉ်းချုပ်မှတ်ရန် စကြ၀ဠာတိုက်တစ်သောင်းမှရောက်ရှိလာသော နတ်ဗြဟ္မာများကို ပုစ္ဆာပြဿနာဖြေရှင်းပေးခြင်း တရားဟောခြင်းပြုသည် ။ ............................................... (၅)ပစ္ဆိမယာမ ဗုဒ္ဓကိစ္စများ (မိုးသောက်ယာမ်၌ ဗုဒ္ဓဧ။်လုပ်ငန်းစဉ်များ ) ပထမပိုင်းကို-မနက်(၂)နာရီမှ (၃း၂၀)နာရီထိ။ ဒုတိယပိုင်းကို-မနက်(၃း၂၀)နာရီမှ (၄း၄၀)နာရီထိ။ တတိယပိုင်းကို-မနက်(၄း၄၀)နာရီမှ မနက်(၆)နာရီထိ။ဟု မိုးသောက်ယာမ်ကို အချိန်သုံးပိုင်းခွဲခြား၍ အထက်ပါလေးဌာနကို ပြုလုပ်ခဲ့ရသဖြင့် ခန္ဓာကိုယ်ဧ။်ပင်ပန်းနွမ်းနယ်မှုကို ပယ်ဖျောက်နိုင်ရန် အတွက် (၁)ပထမတစ်ပုံကို စင်္ကြန်ကြွခြင်းဖြင့် ကုန်လွန်စေသည်။ (၂)ဒုတိယတစ်ပုံကို ဂန္ဓကုဋီတော်သို့ဝင်ကာ သတိသမ္ပဇဉ်မလွတ်စေဘဲ လက်ယာနံစောင်းဖြင့် လျောင်းစက်နေတော်မူခြင်းဖြင့် ကုန်လွန်စေ တော်မူသည် ။ (၃)တတိယတစ်ပုံကို လျောင်းတော်မူရာမှထတော်မူ၍ ထက်ဝယ်ဖွဲ့ခွေ ထိုင်တော်မူလျှက် ရှေးဘုရားရှင်တို့ဧ။်အထံ၌ သီလစသည်အားဖြင့် အဓိကာရ ( အထိကရ ) ကုသိုလ်ပြုခဲ့ဘူးသော ပုဂ္ဂိုလ်များကို ထင် ရှားစွာမြင်ရန် အာသယာနုသယဥာဏ် ဣန္ဒြိယပရောပရိယတ္တိဥာဏ် ဟူသောဗုဒ္ဓစက္ခုအစုံတော်ဖြင့် သတ္တလောကကို ကြည့်တော်မူဧ။် ။ ( ဤကား သံယုတ်အဌကထာနှင့် သီလက္ခန်အဌကထာ တို့ဧ။် ဖွင့်ဆိုပုံဖြစ်သည် ) သုတ္တနိပါတအဌကထာအလိုကား မိုးသောက်ယာမ်ကို ပထမပိုင်း-မနက် (၂ )နာရီမှ (၃) နာရီထိ။ ဒုတိယပိုင်း-မနက် (၃)နာရီမှ (၄)နာရီထိ။ တတိယပိုင်း-မနက်(၄)နာရီမှ (၅)နာရီထိ။ စတုတ္ထပိုင်း-မနက်(၅)နာရီမှ (၆)နာရီထိ။ ဟုလေးပိုင်း ပိုင်း၍ (၁)ပထမပိုင်းတစ်နာရီတိတိကို စင်္ကြံကြွတော်မူသည် ။ (၂)ဒုတိယပိုင်းတစ်နာရီတိတိကို အရဟတ္တဖလသမာပတ်ကို ၀င်စားတော်မူသည်။ (၃)တတိယပိုင်းတစ်နာရီတိတိကို ဂန္ဓကုဋီသို့ဝင်ကာ သတိသမ္ပဇဉ် မလွတ်စေဘဲ လက်ယာနံစောင်းတော်ဖြင့် လျောင်းစက်အနားယူ တော်မူသည်။(ဘုရားသည် မအိပ်စက် လဲလျှောင်းလျှက် ခန္ဓာကိုယ် နွမ်းနယ်မှုဖြေဖျောက်ရင်း သတိသမ္ပဇဉ်နဲ့နေတော်မူဧ။်။ ပက်လက် လှန်ခြင်း မှောက်လျှက်ပြုခြင်း ဘယ်နံပါးဖြင့်လျောင်းစက်ခြင်းများ လုံးဝမပြု၊ လက်ဝဲနံတောင်းဖြင့် လျောင်းခြင်း ,အိပ်စက်ခြင်းကို ကာမဂုဏ်ခံစားသော လူများတို့လျောင်းအိပ်ကြသတဲ့ ၊ ပြိတ္တာများက ပက်လက်အိပ်သတဲ့ ။) (၄)စတုတ္ထပိုင်းနာရီ၌ မဟာကရုဏာသမာပတ်ကိုဝင်စားတော်မူပြီး အပ္ပရဇက္ခသတ္တ၀ါ မဟာရဇက္ခသတ္တ၀ါ စသည်တို့ကိုထင်ရှားစွာ မြင်နိုင်ရန်အတွက် အာသယာနုသယဥာဏ် ဣန္ဒြိယပရော ပရိယတ္တိဥာဏ်ဟူသော ဗုဒ္ဓစက္ခုအစုံတော်ဖြင့် သတ္တလောက ကို ကြည့်တော်မူသည် ။ ( မင်းကွန်းဆရာတော်ဧ။် နိုင်ငံတော်ဗုဒ္ဓသာသန မဟာဗုဒ္ဓ၀င် စတုတ္ထတွဲမှာ ရှုနိုင်သည် )
ရဲရင့်အောင်(တန့်ယန်း)
ရဲရင့်အောင်(တန့်ယန်း)
No comments:
Post a Comment